Kapag may mga bagong kapatid na nabaustimuhan at i-we-welcome namin sa lokal, may kakaiba kang mararamdaman na mahirap ipaliwanag ng salita, ang tanging masasambit mo lamang ay isang “Salamat sa Dios”. Salamat sa Dios dahil ang pagpapagal ng Kapatid na Eli at ng mga kapatid sa iglesia ay nakakapagpabalik-loob sa Dios ng mga kaluluwa na hindi nakakilala sa Kanya (Dios) noon.
At ngayon nga araw ng Biyernes, Hulyo 13, 2012, kung sa marami ang Friday the 13th ay badluck, hindi para kay Bro. John Regala, dahil ngayon ang kaniyang araw ng kapanganakan sa espiritu. Salamat sa Dios dahil ang dating nagsasalita ng mapapait na bagay sa aming mangangaral dahil sa hindi pagkaalam ng katotohanan ay nagbalik-loob, nagpapakumbaba at naghanap ng lingap at katwiran ng Panginoon, welcome sa kapatirang sa DIOS Kapatid na John Regala.
photo courtesy of brethren in faith
Samahan ka po nawa ng Panginoon palagi Kapatid na John. Maraming pag-uusig kang susuungin ngunit ang Panginoon po tulad ng sinasabi sa atin ng ating Mangangaral, ay palaging nariyan sa oras ng ating pangangailangan upang tayo ay iligtas sa kasamaan.
Salamat sa Dios at may isang Mangangaral sa katauhan ni Bro. Eli Soriano na matapat na nangangaral ng salita ng Dios.
MATEOPAGE 